ابو كمال طب اعشاب
Admin
المساهمات : 2107
تاريخ التسجيل : 05/01/2012
العمر : 72
 |  موضوع: طريقه ومقادير تخسيس البطن السفليه الكرش  الثلاثاء أكتوبر 08, 2019 5:45 am | |
| طريقه ومقادير تخسيس البطن السفليه الكرش
وشرحها ببساطه فى البيت وبدون تكليف نهائى
طريقه تخسيس لاى منطقه فى جسمكم
شرح عمل اللف التنحيفي بالتفصيل للناس الى بتسئل تعمله ازاى
هو طريقة تخسيس موضعية، الهدف الاساسي منها انها بتساعد على تركيز جريان الدم في المنطقة اللي عاوزه تخسيسها ايا كانت لأنه بينفع استخدامه في جميع اجزاء الجسم وبالتالي بتساعد على حرق الدهون فيها، وكمان اللف التنحيفى قادر على التخلص من الترهل والسليوليت والمياة المحبوسة تحت الجلد وكل ده بسبب تنشيط الدورة الدموية في المنطقة دي.
فكرته انك بتدهني منطقه معينه مضايقاكي سواء ب زيوت أو كريمات بتسخن الجسم و تلفيها بنوع بلاستيك استريتش الى بتغلفي بيه الاطباق هتجيبيه من اى سوبر ماركت وتعيشي يومك العادى سواء كنتى بتشتغلى او تعملى شغل البيت يعنى لازم يكون فيه حركه وانتى عامله اللف التنحيفي على شان تجيب نتايج كويسه او تلعبي الرياضه بتاعتك و لما تخلصي بتلاقي المنطقه دي عرقانه جدا و ده بيساعد في تخسيسها
لازم معاه حركه علشان جسمك يحرق دهون
هقولكم علي طريقه سهله لللف التنحيفي و مش هتبقي مكلفه من أي عطار
زيت جنزبيل
زيت نعناع
زيت قرفه
زيت قرنفل
رول بلاستيك فيلم
و لو جلدك حساس هتضيفي عليهم زيت زيتون
هتدهني ال mix ده علي المكان اللي مضايقك و تلفيه ب البلاستيك فيلم و تلبسي عليه حاجه ضيقه علشان ميتزحلقش من علي الجسم وكملى يومك العادى يعنى اتحركى او اعملى اى رياضه او شغل البيت يعنى مش تلفي وتنامى .
ممكن تعمليه من ٣ ل ٤ مرات في الاسبوع، كل مره تسبيه علي جسمك على الاقل ساعه مع الحركه طبعا.
ينفع يتعمل علي البطن، الجناب، الافخاذ ،الاذرع .. يعني اي مكان عايزه تنزليه.
على ما اعتقد كدا الشرح مفصل جدا لاى حد عايز تنحيف
مع تحيات
ابو كمال | |
|
