ابو كمال طب اعشاب
Admin
المساهمات : 2107
تاريخ التسجيل : 05/01/2012
العمر : 72
 |  موضوع: لو بتعانى من السمنه فى منطقه البطن او اى مكان بالجسم شو الحل  الإثنين مارس 12, 2018 2:26 pm | |
| لو بتعانى من السمنه فى منطقه البطن او اى مكان بالجسم ومحتاجه تخسى بس مش عارفه تعملى دايت يبقى لازم تاخدى بالك من النقط اللى هقولها دلوقتى :
1/ ممنوع خالص المشروبات الغازيه وعلى فكره مفيش حاجه اسمها بيبسى دايت
2/ ممنوع المقليات والوجبات السريعه ، الفاست فود لان فيها نسبه عاليه جدا من الدهون المشبعه وبتزود البطن جدااا
3/ حاولى تقللى النشويات ولازم العشا بليل يكون علبه زبادى ممكن معاهم ثمره او 2 فاكهه ما عادا الممنوع طبعا خصوصا ان الزبادى بيساعد فى الهضم وبيحرق الدهون
4/ ممكن تشربى شاى اخضر معاه جنزبيل وقرفه بعد كل وجبه اوعى تشربيه على الريق لانه ممكن يسبب قرحه بالمعده لقدر الله
5/ لازم تشربى من 6الى 8 اكواب مياه يوميااااااا
6/ حاولى تقللى الاملاح لانها بتخزن ميه بالجسم وهتلاقى نفسك زايده على الميزان وبرده حاولى تتحكمى فى كميه السكريات اللى هتدخل جسمك مسموح ليكى يوميا ب2معلقه صغيره سكر او عسل ابيض فقط
7/ ممكن تستبدلى الخبز الابيض بالخبز الاسمر (القمح ) هو تقريبا نفس عدد السعرات الحرايه ولكن فايدته اعلى للجسم مش عشان خبز دايت تاكلى كميه كبيره منه .
8/ لازم يكون فى حركه بشكل يومى خلاف شغل البيت على الاقل مشى نصف ساعه او صعود ونزول السلم لمده ربع ساعه متتاليه ده هيساعدك جدااا فى زياده الحرق .
9/ نصيحه مهمه بلاش تتوزنى كل يوم لان انتى متخنتيش فى يوم عشان تطلبى من جسمك انه يخس فى يوم او اسبوع احيانا الجسم بيثبت فتره وبعد كده بيخس بمعدلات كبيره فلازم تتحلى بالصبر والاراده .
10/ اهم واخر نقطه النسكافيه والكابتشينو المضاف عليهم كريمر كله دهون بيتخن جدااا البطن ممكن تشربى نسكافيه بحليب خالى دسم وسكر دايت بس متكتريش عن مج واحد يوميا لانه بيسبب سرعه فى نبضات القلب وبيعمل مشاكل فى الضغط
مع تحيات
ابو كمال
| |
|
