السلايمه لطب الاعشاب

التداوي بالاعشاب والطب النبوي والرقيه الشرعيه
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

  10نصائح للحفاظ على جمال بشرتك في فصل الصيف!!!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ابو كمال طب اعشاب
Admin


المساهمات : 987
تاريخ التسجيل : 05/01/2012
العمر : 65

مُساهمةموضوع: 10نصائح للحفاظ على جمال بشرتك في فصل الصيف!!!   الأحد أغسطس 20, 2017 1:04 pm

10نصائح للحفاظ على جمال بشرتك في فصل الصيف!!!




الصيف هو موسم الانطلاق والبحر والسفر لكن الكثير منا يواجه مشكلة البشرة التى تتأثر بالرطوبة والشمس وخصوصا للبنات اصحاب البشرة الحساسة , ولذلك فالبشرة تحتاج منا لعناية خاصة ,وفيما يلى بعض النصائح للحفاظ على جمال بشرتك خلال فصل الصيف.


1- الصن بلوك:
استخدام الصن بلوك ضرورى جدا ومن اول الحاجات الاساسية في الصيف عشان تحمي جلدك من ضرر اشعة الشمس التى تسبب غمقان البشرة وبقع الشمس, واكيد كل ما زاد عامل الحماية الSPF هيحمي بشرتك بشكل اكثر, استخدمى الصن بلوك على البشرة قبل الخروج في الشمس بـ 15 – 20 دقيقة عشان تتأكدي ان بشرتك امتصته بشكل جيد.

2- شرب المياه :
لو عايزة تحافظي على بشرتك صحية في الصيف يبقى من اهم الحاجات اللي لازم تعمليها هي انك تشربي مية كتير, وممكن تضيفي لها نكهة عشان تغيري طعمها وتشربي منها كمية اكبر جربي اعملي ديتوكس بالفاكهة الحمضية لانها من اكتر الحاجات اللي بتطرد السموم من الجسم وبتحافظ على البشرة صحية لانها غنية بفيتامين C المهم جدا لصحة البشرة, ممكن تضيفي للمية المثلجة شرائح ليمون او برتقال هتساعد جدا انها تحافظ على رطوبة البشرة وتخلي شكلها صحي.

3-تنظيف البشرة:
تطهير البشرة من المكياج والاتربة اللي بتتعرض لها مهم جدا عشان نحافظ عليها, ممكن تستخدمي غسول مناسب لبشرتك بيزيل اثار المكياج والاوساخ والاتربة ومن غير ما ينشف البشرة.

4- استخدام تونر البشرة:
بعد خطوة تطهير البشرة تأتى خطوة استخدام التونر لانه يعتبر من الخطوات المهمة جدا في الصيف لو عايزة تحافظي على بشرتك صحية ومنورة وخصوصا لصاحبات البشرة الدهنية المعرضة لحب الشباب، هما اكتر اشخاص محتاجين خطوة التونر لانه بيساعد على ازالة الدهون الزيادة من البشرة, بالاضافة لذلك ان التونر بيساعد على منع اثار الصيف على البشرة نتيجة الاتربة والدهون الزيادة والبكتيريا والعرق, كمان بيساعد على تضييق المسام.

5- التقشير:
ضرورى جدا خلال فصل الصيف عمل تقشير للبشرة بانتظام لان التقشير بيخلص البشرة من الجلد الميت, قشريها من مرة لمرتين في الاسبوع.ممكن استخدام المقشرات الجاهزة, او عمل مقشر طبيعى فى البيت, وذلك بخلط معلقة كبيرة شاي اخضر مع كوب سكر ابيض او بني و1/2 كوب زيت زيتون و2 معلقة كبيرة عسل نحل و10 نقط زيت اللافندر وخلطهم مع بعض واستخدامه لتقشير البشرة والجسم.

6- الترطيب:
ترطيب البشرة من الخطوات المهمة جدا في الصيف وكل ما كانت البشرة جافة اكيد هتحتاجي ترطيب اكتر, حتى كمان البشرة الدهنية محتاجة ترطيب بس اختاري مرطب خفيف مناسب لنوع بشرتك, ضروري جدا انك تحافظي على تطبيق المرطب الصبح وبالليل.

ولو انتي بتحسي ان المرطب خلال فترة النهار بيخلي البشرة لزجة زيادة عن اللزوم وفي نفس الوقت بشرتك محتاجة ترطيب في الحالة دي ممكن تستخدمي على الاقل مرتين في الاسبوع ماسك الترطيب المكثف الليلي ده بيحافظ على بشرتك رطبة خلال فترة النهار وهيحافظ على بشرتك من اضرار اشعة الشمس.

7- ماسكات للبشرة:
الاهتمام بالبشرة بالماسكات بشكل منتظم من الخطوات المهمة والمفيدة جدا جدا اللي بتحافظ على صحة البشرة, اعملي ماسكات للبشرة مرتين في الاسبوع.

* ماسك الليمون والعسل(4 معالق صغيرة ليمون مع 3 معالق كبيرة عسل نحل )وخلطهم مع بعض وادهني بشرتك بالخليط وسيبيه 20 دقيقة واغسليه بالمية.



8-تناول الاكل الصحي:
الحقيقة ان عدم تناول الاكل الصحى له تأثير سلبى على بشرتك ,فمن الضرورى انك تحاولى بقدر الامكان تمشي على نظام غذائي صحي ومتوازن, وحاولي بشكل خاص الاكثار من تناول الاكلات الغنية بفيتامين C و B و D لانها بتبطيء علامات الشيخوخة على البشرة, وتناول فيتامينات بانتظام لتعويض اي نقص فيتامينات في الجسم كل ده هيفرق مع بشرتك جدا وهتلاقي شكلها بقى صحي.

– الاكلات الغنية بفيتامين C الفواكة الحمضية زي البرتقان والليمون والجريب فروت, الفلفل الحار والحلو, الكيوي, البابايا, الاعشاب الطازة زي الزعتر والبقدونس, البروكلي, الفراولة, الخضروات الورقية الخضرا الداكنة.

– الاكلات الغنية بفيتامين B اللحوم الحمرا, الخضروات الورقية الخضرا الداكنة, الحبوب الكاملة, المكسرات زي اللوز والجوز, العدس, الدجاج, السمك, البيض.

– الاكلات الغنية بفيتامين D اللبن, صفار البيض, سمك السلمون, المشروم, الجبن, التونة, السمك المدخن, الكبدة.

9- ممارسة الرياضة:
من الاشياء المفيدة لصحة البشرة هيممارسةالرياضية،لانها بتساعد على زيادة تدفق الدم في جميع انحاء الجسم وبالتالي بتغذي خلايا البشرة مما ينعكس بشكل ايجابي جدا على صحة بشرتك, لان الدم بينقل الاكسجين والمغذيات اللي محتاجها الجسم, كمان الدم بيطرد الجذور الحرة والسموم خارج الجسم وبالتالي بيساعد على نظافة الجسم الداخلية,ممارسة الرياضة 10 دقايق بس يوميا هتكون كافية وهتفرق جدا مع بشرتك.

10- استخدام ميست للبشرة:
لو هتقضي يومك كله بره او على البحر اكيد بشرتك هتيجي في نص اليوم هتلاقيها محتاجة انك تنعشيها من تأثير الرطوبة وحرارة الشمس واللي هيقوم بالمهمة دي هو ميست البشرة, رشي بشرتك بالميست هيحافظ على رطوبتها طول اليوم وهينعشها،وممكن انتي تعملي بنفسك في البيت ميست ماء الورد بطريقة بسيطة جدا(اخلطي ½ معلقة صغيرة فيتامين E مع نقطتين من زيت النعناع ونقطتين من زيت شجرة الشاي و4 معالق كبيرة ماء ورد).
مع تحيات
ابو كمال
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://alnor.roo7.biz
 
10نصائح للحفاظ على جمال بشرتك في فصل الصيف!!!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
السلايمه لطب الاعشاب :: الفئة الأولى :: منتدى المراه العنايه بالبشره والشعر واسرارها-
انتقل الى: