السلايمه لطب الاعشاب

التداوي بالاعشاب والطب النبوي والرقيه الشرعيه
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 اسرار الكوافيرات لتنضيف البشره????

اذهب الى الأسفل 
كاتب الموضوعرسالة
ابو كمال طب اعشاب
Admin


المساهمات : 1313
تاريخ التسجيل : 05/01/2012
العمر : 66

مُساهمةموضوع: اسرار الكوافيرات لتنضيف البشره????   الثلاثاء مايو 29, 2018 10:55 am

اسرار الكوافيرات لتنضيف البشره????
تعالي اقولك ازاي تنضفي البشره بدون ماتروحي عند بيوتي سنتر او اي كوافير وتدفعي فيه دم قلبك عشان نعمل ميك اب على نضافه وبشرتنا صافيه ????

كلنا بنبقى فاكرين ان وشنا نظيف لمجرد اننا بنغسله كل يوم بصابون او حتى بغسول .... لكن الحقيقة غير كدة >_<
احنا كده بنكون بنضف بشرتنا بشكل سطحى مش اكتر لكن سايبين حاجات كتير من جوه مش شايفنها
مسام بشرتنا بتكون مليانة بلاوي بتتراكم يوم بعد يوم .. جلد ميت من عوامل الجو و الشمس.... دهون و زيوت متراكمة فى المسام .... اتربة .... املاح و ترسبات من استخدام الصابون ..... الخ الخ
الموضوع كله بيتعمل على 4 مراحل ✋

الموضوع كله بيتعمل على 4 مراحل :
1_حمام البخار
2_تقشير البشرة
3_غلق المسام
4_الترطيب

نبدأ بأول خطوة (حمام _البخار)

هنغلى شوية مايه و نحطهم فى طبق واااسع ... ممكن نحط مع المايه شوية اعشاب زى رشة قرفة ...او شوية نعناع ... او معلقة زيت لافندر .... و ممكن منحطش عادى جداا

نحط فوطه فوق راسنا و نغطى نفسنا بيها و نقرب وشنا من الطبق بحيث يطلع البخار على وشنا كله و فى نفس الوقت الفوطة تمنعه يخرج بره ..... و معلش نستحمل بقى شوية الحرارة ^_كله بفايدته فى الاخر يا بنات

اييييييه فايدة الحمام ده بقاااا ؟؟؟؟؟
_بيفتح مسام البشرة جدا عشان يكون سهل تنظيف الاوساخ اللى جواها

_بيدوب الدهون اللى موجودة فى الوش و الانف

_بيرطب الوش جدااا

_بيطرى الجلد الميت عشان يهيأ البشرة لمرحلة التقشير
????????????????????????
الخطوة التانية (التقشير)

دى بنعملها عشان نقشر طبقة الجلد الميت اللى على البشرة السطحية و اللى بتكون سبب فى شكل البشرة البهتان و جفافها ..... ممكن يكون معانا نوع صنفرة كويس.
.. او نعمل صنفرة طبيعية فى البيت (معلقتين سكر ناعم_نقطتين لمون_معلقة زيت لوز او زيتون) ان شاء الله
هندعك وشنا بالصنفرة على هيئة حركات دائرية براحة كدة فى اتجاه واحد لمدة 3 دقايق
مش جامد عشان منجرحش بشرتنا ولا براحة اوى عشان نزيل كل طبقة الجلد الميت
بعد كدة نغسل وشنا بمايه دافيه
????????????????????????????????
الخطوة التالتة (غلق_المسام)

بعد الخطوتين اللى فاتوا مسام وشنا بتكون لسه مفتوحة .... و لو سبناها كدة يبقى عملنا تنظيف على الفاضي لأن بمجرد ما نسيبها للجو كل الاتربة و الاوساخ هتدخل جوة المسام تانى .....

عشان كدة لازم نقفل المسام بعد ما نضفناها .... و بنعمل كدة بالتونر ..او التونك ....

ممكن نعمل تونر طبيعي فى البيت اننا نحط ماء ورد فى قوالب تلج و نحطها فى الفريزر لحد ما تتجمد .... و ناخد مكعب و نمشيه علي بشرتنا كلها عشان نقفل بيه كل المسام و هى نضيفة
????????????????????????????????
الخطوة الاخيرة (الترطيب)
اااااخر حاجة هنعملها لبشرتنا هى الترطيب .... اى نقطة كريم مرطب وی سلام لو زبده شیا خام ياعيني بقي
و نحطه على وشنا عشان نحافظ عليها من الجفاف و بكدة
نبقى عملنا احسن جلسة تنظيف بشرة فى البيت فى اقل وقت و اقل تكلفة

_الجلسة دى بتتعمل مرة فى الاسبوع (للبشرة العادية و الجافة).... و مرتين (للبشرة الدهنية)
مع تحيات
ابو كمال
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://alnor.roo7.biz
 
اسرار الكوافيرات لتنضيف البشره????
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
السلايمه لطب الاعشاب :: الفئة الأولى :: منتدى المراه العنايه بالبشره والشعر واسرارها-
انتقل الى: