السلايمه لطب الاعشاب

التداوي بالاعشاب والطب النبوي والرقيه الشرعيه
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 حاجات عالماشي لتنظيف مطبخك

اذهب الى الأسفل 
كاتب الموضوعرسالة
ابو كمال طب اعشاب
Admin


المساهمات : 1322
تاريخ التسجيل : 05/01/2012
العمر : 66

مُساهمةموضوع: حاجات عالماشي لتنظيف مطبخك   الخميس مايو 24, 2018 12:34 pm

شوية حاجات عالماشي كده تخلي مطبخك????
نظيف باستمرار أيا كان نوعه وشكله ومساحته ☺️
بصي يا شطورة ????

1????نضفي وقشري الخضار في طبق بلاستيك عشان يبقى سهل ترمي اللي فيه وتغسليه بسهولة
مش على الرخامة عشان لونها ميغيرش وريحتها تبقى يع وتضطري تغسليها وتتعبي.

2????كل حاجة تفضى من طقم التوابل اغسليها قبل ما تحطي فيها الجديد
عشان بخار المطبخ والروائح متعملش طبقة عليها وتفضل علطول بتلمع.

3????طاسة القلي اغسليها مع كل تغييرة زيت عشان ميبقاش لونها زي فحم الكوك وتبقى مضرة.

4????قطاعة وسكينة الفراخ واللحمة والسمك حاجة وقطاعة الخضار والفواكه حاجة تانية

5????حطي 4 فوط مطبخ صغيرة كالآتي :
واحدة لتنشيف إيدك باستمرار وانت في المطبخ
وواحدة على باب الفرن تفتحي وتقفلي وتمسكي صواني وهو سخن
وواحدة تحت الحنفية تشرب المية حول الحوض بدل ما تسيح
وواحدة عالحوض تفصل هدومك عن المية

6????بفوط الحوض بعد كل غسلة مواعين وهي مبلولة امسحي البوتجاز عالسريع واغسليها
عشان يبقى نضيف كل يوم ومتحتاجيش أجنة وشاكوش عشان تكسري اللي وقع عليه بعد ما النار تنشفه.????
ولو حاجة فارت عالبوتجاز والنار شغالة وحرقتها بدل ما الدعك رشي عليها بيكربونات وخل هيعمل فوران لطيف سيبيه 5 دقايق وامسحيه بفوطة مبلولة هيبقي فلة????

7????فضي التلاجة كل يوم من الأطباق والحلل اللي ملهاش لازمة
بدل ما كل شوية حاجة تدلق منها وهي بتتفتح وريحتها متبقاش مكمكمة.

8????لو عندك ديب فريزر خلى كل درج لحاجة معينة : مخبوزات، لحوم، خضار وفاكهة، توم، ياميش
عشان مفيش حاجة تكرف عالتانية
وتلاقي الحاجات بسهولة.????

9????الفريزر عشان يبقى منظم وسهل تلاقي الحاجة فيه يا إما تحطي في علب يا إما في أكياس وتبططيها عشان متخدش مساحة. وورقة واكتبي عليها اسم كل حاجه والزقيها ع الاكياس او العلب

10????اكنسي المطبخ كل يوم
النمل ما بيصدق فرصة الفتافيت. ????

11????حطي فوطة عالرخامة تصفي عليها الحلل والطاسات من المية بعد الغسل قبل ما تشيليها في المطبخ
المية في الحلل على بعضها بتعمل بكتيريا لها ريحة،
وكذلك المعالق والشوك والسكاكين في المصفاة لنفس السبب.

12????غيري ليفة المواعين باستمرار
مش لازم تستغيث يعني ????
واغسليها كل يوم بمية سخنة.

13????لو عندك غلاية ، فرن كهربا، ميكرويف نضفيهم أسبوعيا من جوة وبره????

14????خلي جركن أو زجاجات مية احتياطي عشان لو قطعت ماتبقاش مشكلة عويصة.

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://alnor.roo7.biz
 
حاجات عالماشي لتنظيف مطبخك
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
السلايمه لطب الاعشاب :: منتدى المعلومات العامه-
انتقل الى: